‘थॅलेसेमिया मुक्त महाराष्ट्र’ संकल्प सप्ताहास सुरुवात — राज्यमंत्री मेघना साकोरे-बोर्डीकर यांचे निर्देश

मुंबई : सार्वजनिक आरोग्य व कुटुंब कल्याण राज्यमंत्री Meghna Sakore Bordikar यांनी ‘थॅलेसेमिया मुक्त महाराष्ट्र’ मोहिमेला अधिक गती देत १ ते ८ मे २०२६ या कालावधीत राज्यभर ‘संकल्प सप्ताह’ प्रभावीपणे राबविण्याचे निर्देश दिले आहेत. या माध्यमातून थॅलेसेमिया प्रतिबंध, तपासणी व जनजागृतीवर विशेष भर दिला जाणार असल्याचे त्यांनी सांगितले.या मोहिमेच्या एक वर्षपूर्तीनिमित्त आयोजित करण्यात आलेल्या संकल्प सप्ताहात विविध विषयांवर आधारित उपक्रम राबविले जाणार असून, नागरिकांचा व्यापक सहभाग नोंदविण्याचे नियोजन करण्यात आले आहे.८ मे रोजी साजऱ्या होणाऱ्या World Thalassemia Day च्या अनुषंगाने आठवडाभर राज्यभर व्यापक जनजागृती अभियान राबविण्यात येणार आहे. रक्त तपासणी शिबिरे, जनजागृती रॅली, शाळा-महाविद्यालयांत मार्गदर्शन सत्रे तसेच समाजमाध्यमांद्वारे माहिती प्रसार अशा विविध उपक्रमांचा यामध्ये समावेश असणार आहे.थॅलेसेमिया या अनुवांशिक आजाराबाबत समाजात जागरूकता निर्माण करणे, वेळेवर तपासणी करून त्याचा प्रसार रोखणे आणि भावी पिढीला या आजारापासून सुरक्षित ठेवणे हा या मोहिमेचा मुख्य उद्देश आहे.राज्यमंत्री Meghna Sakore Bordikar यांनी नागरिकांना या अभियानात सक्रिय सहभाग नोंदविण्याचे आवाहन करत “निरोगी महाराष्ट्र” घडविण्यासाठी सर्वांनी पुढाकार घ्यावा, असे सांगितले.#थॅलेसेमिया #संकल्पसप्ताह